Испаниянинг “Marca” нашри “Реал”нинг Зидан бошқарувидаги икки йилда қандай натижалар қайд этганини ҳисоблаб чиқди.
Ҳисоб-китобларга кўра, бу вақт оралиғида “Реал” 116 та ўйин ўтказди — 85 та ғалаба, 20 та дуранг ва 11 та мағлубият. Клуб 306 та тўп киритиб, ўз дарвозасидан 116 та тўп олиб чиқди. Икки йилда “қаймоқранглилар” 8 та совринни қўлга киритишди — иккита ЕЧЛ кубоги, иккита Европа суперкубоги, иккита Клублар ўртасидаги мундиал ғолиблиги, 1 марта Ла Лига ва 1 марта Испания суперкубоги ғолиблиги. Бу охирги икки йилда Европадаги энг яхши натижа ҳисобланади.
