Ispaniyaning “Marca” nashri “Real”ning Zidan boshqaruvidagi ikki yilda qanday natijalar qayd etganini hisoblab chiqdi.
Hisob-kitoblarga ko‘ra, bu vaqt oralig‘ida “Real” 116 ta o‘yin o‘tkazdi — 85 ta g‘alaba, 20 ta durang va 11 ta mag‘lubiyat. Klub 306 ta to‘p kiritib, o‘z darvozasidan 116 ta to‘p olib chiqdi. Ikki yilda “qaymoqranglilar” 8 ta sovrinni qo‘lga kiritishdi — ikkita YECHL kubogi, ikkita Yevropa superkubogi, ikkita Klublar o‘rtasidagi mundial g‘olibligi, 1 marta La Liga va 1 marta Ispaniya superkubogi g‘olibligi. Bu oxirgi ikki yilda Yevropadagi eng yaxshi natija hisoblanadi.
