“Реал” устози Зинедин Зидан “Атлетик” посбони Аррисабалагни сотиб олишга қарши чиқмоқда. Маълумотларга кўра, “қироллик клуби” Кепани январда сотиб олишни мўлжаллаганди. Бироқ Зидан бунга бир неча бор қарши чиққан. “Diario Sport”нинг ёзишича, Зиданда бунга сабаб бор.
Франциялик мутахассис ўғли Люка Зиданнинг жамоа асосий таркибига киришига ёрдам бермоқчи. Шу боис ҳам у Аррисабалагнинг сотиб олинишини истамаяпти. Қолаверса, бу Зидан ва Перес ўртасида низо келиб чиқишига ҳам сабаб бўлмоқда. Перес “Реал”нинг учинчи посбони туфайли Испания термаси дарвозабонини қўлдан чиқаришни хоҳламаяпти.
