"Ювентус" дарвозабони Жанлуижи Буффон "Милан"нинг собиқ сардори Пауло Мальдинининг А серияда ўтказилган учрашувлар бўйича рекордини янгилай олмайди.
39 ёшли Буффон (28 январда 40 ёшга тўлади) соғлиги туфайли декабрь ойидан бери майдонга тушмаяпти.
2009 йилда фаолиятини тугатган Мальдини мамалакат чемпионатида 647 та ўйин ўтказган, у 41 ёшга тўлишига бир ой қолганида футболни тарк этган. Бу борада Буффон иккинчи ўринда - 629та ўйин, Мальдинидан 18 та ўйин кам ўтказган.
"Ювентус" иккинчи даврада 18 та ўйин ўтказади. Шу тариқа, Буффон, агар мавсумни бирорта ўйинини қолдирмаса, Мальдинининг рекордини такрорлаши мумкин холос.
Буффон аввалроқ, чемпионлар лигаси ғолиблигини қўлга киритмаса - ёзда фаолиятини тугатишини маълум қилган.
