"Yuventus" darvozaboni Janluiji Buffon "Milan"ning sobiq sardori Paulo Maldinining A seriyada o‘tkazilgan uchrashuvlar bo‘yicha rekordini yangilay olmaydi.

39 yoshli Buffon (28 yanvarda 40 yoshga to‘ladi) sog‘ligi tufayli dekabr oyidan beri maydonga tushmayapti.

2009 yilda faoliyatini tugatgan Maldini mamalakat chempionatida 647 ta o‘yin o‘tkazgan, u 41 yoshga to‘lishiga bir oy qolganida futbolni tark etgan. Bu borada Buffon ikkinchi o‘rinda - 629ta o‘yin, Maldinidan 18 ta o‘yin kam o‘tkazgan.

"Yuventus" ikkinchi davrada 18 ta o‘yin o‘tkazadi. Shu tariqa, Buffon, agar mavsumni birorta o‘yinini qoldirmasa, Maldinining rekordini takrorlashi mumkin xolos.

Buffon avvalroq, chempionlar ligasi g‘olibligini qo‘lga kiritmasa - yozda faoliyatini tugatishini ma’lum qilgan.