АҚШнинг “Чикаго Файр” ярим ҳимоячиси Бастиан Швайнштайгер жамоаси билан шартномасини узайтирди. Бу ҳақда германиялик футболчининг ўзи маълум қилди.
“Чикаго Файр” билан шартномани узайтирганимдан хурсандман. Биз 2017 йилдаги мақсадларимизга етиш учун ўз устимизда ишлашни давом этамиз. Ўтган мавсум фаолиятимдаги энг яхши даврни бошимдан ўтказдим. Афсуски, совринлар юта олмадик”, - дейди Бастиан.
Эслатиб ўтамиз, Швайнштайгер 2017 йилнинг март ойида “Манчестер Юнайтед”дан “Чикаго Файр” клубига кўчиб ўтганди. Швайнштайгер MLS мусобақасида 24 та ўйин ўтказиб, 3 та гол муаллифига айланди.
