Кеча, 3 феврал куни қисқа таътилдан сўнг футболчиларимиз клуб қароргоҳида йиғилишди. “Насаф” “Персеполис”га қарши учрашувга тайёргарликни бошлади, дея хабар беради "Насаф" расмий сайти.
Легионер футболчилардан бошқа барча футболчилар машғулотларда иштирок этишмоқда. Драган Черан, Иогр Голбан, Славко Лукич ва Жаҳонгир Алиевлар эртадан машғулотларга қўшилишади.
Бугунги кечки машғулот “Геолог” стадионида бўлиб ўтди.
“Насаф” Эронга сафар уюштириш олдидан, Қаршида назорат учрашувлари ўтказишни режалаштирган. Жумладан, қаршиликлар 7 феврал куни “Динамо” жамоасига қарши назорат учрашувида майдонга тушишади.
