Мадриднинг “Реал” клуби мураббий Зинедин Зидан ўрнига номзодлар қидиришда давом этмоқда.
Маълумотларга кўра, клуб раҳбарияти мавсум якунида кетиш масаласини Зиданнинг ўзидан сўрашади. Агар Зизу “Реал”да қолиб ишлашни истаса, фаолиятини давом эттиради.
Агар Мадридни тарк этадиган бўлса, унда ўрнини Юрген Клопп, Маурисио Почеттино ва Йоахим Лёв каби мутахассислардан бирига бўшатишига тўғри келади.
Аммо юқорида айтиб ўтилган уч мутахассиснинг ҳозирда жамоалари билан амалда давом этаётган шартномалари бор..
Клопп “Ливерпуль”, Почеттино “Тоттенхэм” билан яхши натижалар кўрсатиб келишмоқда. Йоахим Лёв ҳам Германия терма жамоаси билан амалдаги шартномасини муддатидан олдин узиш ҳақида ўйламаяпти.
