Кеча Голландиянинг Эйндховен шаҳрида таэквондо бўйича "Dutch Open" турнири ниҳоясига етди.
Мусобақанинг биринчи куни баҳсларида ўсмирларимиз Мадина Маннопова (-46кг), Жасур Жайсунов (-63кг) ҳамда Улуғбек Рашидовлар (-51кг) олтин, Озода Собиржонова (-52кг), Бекзод Ибрагимов (-51кг) ва Шаҳзод Жўраевлар (-55кг) кумуш медалини қўлга киритгандилар.
Кеча катталар ўртасида ўтказилган баҳсларда Дмитрий Шокин (+87кг) кумуш, Баҳром Абдуллаев (-54кг) эса бронза медали соҳибига айланди.
Шу тариқа, спортчиларимиз мусобақада 3та олтин, 4та кумуш ва 1та бронза медалларини терма жамоамиз ҳисобига қўшиб қўйдилар. Маълумот учун, таэквондочиларимиз 13 март куни эрта тонгда Тошкентга қайтиб келадилар.
