«Манчестер Юнайтед» клуби бош мураббийи Жозе Моуриньо «Севилья»га (1:2) қарши ўйиндан сўнг рақибни ғалаба билан табриклади.
ВВС нашрининг хабар қилишича, ҳакам ҳуштаги янграгандан сўнг Жозе кийиниш хонасига йўл олган ва футболчиларнинг мағлубиятга бўлган реакцияларидан қониқиш хосил қилганини айтган.
Шунингдек, Моуриньо буни эсдан чиқариб, бор эътиборни «Брайтон»га қарши ўйинга қаратишларини сўраган.
Шундан сўнг, португалиялик мутахассис меҳмонлар кийиниш хонасига йўл олган, у «Севилья» футболчиларини ғалаба билан табриклаган ва кейинги босқичларда уларга омад тилаган.
Испаниялик футболчилар мутахассиснинг ҳаракатларини қарсак билан олқишлаганлар.
