Jeune Afrique журнали 1 апрель куни камерунлик ҳужумчи Самуэль Это'О билан бўлган тўқима интервьюни чоп этди.
Бироқ, ҳазил тариқасида тақдим қилинган суҳбат футболчини қаттиқ ғазаблантирди.
«Бу интервью обрўмга путур етказди ва атрофимда носоғлом муҳитнинг яратилишига сабаб бўлди. Журнал бу интервьюга раддия эълон қилиши керак.
Баъзи нашрлар бу интервьюни кўчириб олишди. Унда менинг Камерун терма жамоасини бошқармоқчи эканим ҳақидаги гаплар бор. Агар раддия берилмаса, судга мурожаат қиламан», - деди Самуэль.
37 ёшли футболчи айни пайтда Туркиянинг «Кўнёспор» клуби аъзоси ҳисобланади.
