Мюнхеннинг «Бавария» клуби янги мураббий қидириш ишлариги давом эттирмоқда.
Bild нашри хабарига кўра, мазкур лавозимга асосий номзод сифатида «Айнтрахт»нинг айни пайтдаги бош мураббийи Нико Ковач бўлиб турибди.
Ковач «Бавария» спорт директори Хасан Салиҳамидзич билан яхши таниш ҳисобланади улар биргаликда 2001 – 2003 йиллар оралиғида «Бавария» шарафини ҳимоя қилишган.
Мюнхенликлар Ковачнинг шартномасида келтирилган пулни тўлашса, хорватиялик мутахассис жамоа бошқарувини қўлга олиши мумкин.