Испания чемпионати 31-тури доирасидаги «Барселона» ҳамда «Леганес» ўртасидаги учрашув ўз поёнига етди. Кутилганидек мезбонлар устунлиги остида кечган баҳсда 3:1 ҳисоби қайд этилди ва ҳар уччала голга Лионель Месси муаллифлик қилди.
Аргентиналик футболчи дастлаб учрашувнинг 27-дақиқасида жарима зарбасини жуда чиройли тарзда ижро этиб, ҳисобни очган бўлса, 32-дақиқада Филиппе Коутиньонинг ажойиб узатмасидан сўнг деярли бирга-бир вазиятдан фойдаланди.
Биринчи бўлимда бошқа гол киритилмади.
Иккинчи бўлимнинг ўрталарида каталонияликлар бироз хотиржамликка берилишди чоғи ўз дарвозаларидан тўп олиб чиқишди. Набиль эл Жар ҳисобни қисқартирган гол муаллифи бўлди.
87-дақиқада эса Лео ўйиндаги учинчи голини киритиб хэт-тригини расмийлаштирди.
Шу тариқа каталонияликлар ўз ҳисобларига яна уч очко қўшиб, чемпионлик сари яна бир ишончли қадам ташлашди.
ЛА-ЛИГА. 31-ТУР
БАРСЕЛОНА – ЛЕГАНЕС 3:1 (2:0)
7 апрель, «Камп Ноу»
Голлар: 1:0 – 27 Месси, 2:0 – 32 Месси, 2:1 – 68 Эль-Жар, 3:1 – 87 Месси.
Барселона: тер Стеген, Вермален, Пике, Нелсон Семеду, Андре Гомеш, Серджи Роберто (Альба, 74), Коутиньо (Иньеста, 81), Ракитич, Дембеле (Денис Суарес, 88), Месси, Суарес.
Леганес: Куэльяр, Бустинса, Рауль Гарсия, Сальдуа, Сиовас, Эрасо (Брашанац, 60), Рамос, Эль-Жар, Перес (Герреро, 78), Амрабат (Бовю, 46), Пирес.
Огоҳлантиришлар: Сиовас (51), Пирес (55), Перес (76), Коутиньо (78), Сальдуа (79), Альба (84).
