Ispaniya chempionati 31-turi doirasidagi «Barselona» hamda «Leganes» o‘rtasidagi uchrashuv o‘z poyoniga yetdi. Kutilganidek mezbonlar ustunligi ostida kechgan bahsda 3:1 hisobi qayd etildi va har uchchala golga Lionel Messi mualliflik qildi.
Argentinalik futbolchi dastlab uchrashuvning 27-daqiqasida jarima zarbasini juda chiroyli tarzda ijro etib, hisobni ochgan bo‘lsa, 32-daqiqada Filippe Koutinyoning ajoyib uzatmasidan so‘ng deyarli birga-bir vaziyatdan foydalandi.
Birinchi bo‘limda boshqa gol kiritilmadi.
Ikkinchi bo‘limning o‘rtalarida kataloniyaliklar biroz xotirjamlikka berilishdi chog‘i o‘z darvozalaridan to‘p olib chiqishdi. Nabil el Jar hisobni qisqartirgan gol muallifi bo‘ldi.
87-daqiqada esa Leo o‘yindagi uchinchi golini kiritib xet-trigini rasmiylashtirdi.
Shu tariqa kataloniyaliklar o‘z hisoblariga yana uch ochko qo‘shib, chempionlik sari yana bir ishonchli qadam tashlashdi.
LA-LIGA. 31-TUR
BARSELONA – LEGANES 3:1 (2:0)
7 aprel, «Kamp Nou»
Gollar: 1:0 – 27 Messi, 2:0 – 32 Messi, 2:1 – 68 El-Jar, 3:1 – 87 Messi.
Barselona: ter Stegen, Vermalen, Pike, Nelson Semedu, Andre Gomesh, Serdji Roberto (Alba, 74), Koutinyo (Inyesta, 81), Rakitich, Dembele (Denis Suares, 88), Messi, Suares.
Leganes: Kuelyar, Bustinsa, Raul Garsiya, Saldua, Siovas, Eraso (Brashanas, 60), Ramos, El-Jar, Peres (Gerrero, 78), Amrabat (Bovyu, 46), Pires.
Ogohlantirishlar: Siovas (51), Pires (55), Peres (76), Koutinyo (78), Saldua (79), Alba (84).
