Ҳар йили энг яхши футболчини аниқлаб, унга "Олтин тўп" совринини топширадиган France Football нашри "Барселона" яримҳимоячиси Андрес Иньестага бир марта ҳам бу соврин бермагани учун ундан узр сўради.
Marca хабарига кўра, France Football газетасининг охирги сонида бош муҳаррир Паскаль Ферре ўз мақоласи орқали футболчига ёзда бўлиб ўтадиган ЖЧ-2018 да Испания термаси сафида омад тилади. Мақолага "Кечиринг, Андрес" деб сарлавҳа қўйилган.
Иньеста "Олтин тўп"га 2010 йилда яқин келган, ўшанда Испания термаси сафида жаҳон чемпиони бўлган, финалда Голландия термаси дарвозасига ҳал қилувчи голни урган эди. Аммо Иньеста "Олтин тўп" учун курашда иккинчи ўринни қўлга киритган, совринни унинг "Барселона"даги жамоадоши Лионель Месси олган эди.
