Ичимизда «Трансформерлар» ҳақида кинолар анталогиясини кўрмаган одам топилмаса керак. Бугун қўлимиздан келганча футболчиларни машиналарга қиёслашга уриниб кўрамиз. Қани кетдик, бўлмаса!
Арьен Роббен — «Кабриолет»
Ўхшашликни қаранг, «Кабриолет»нинг ҳам усти йўқ, Роббенинг ҳам бошида сочи… Ҳа, майли.
Питер Крауч –«Лимузин»
Менимча, изоҳга ҳожат йўқ!
Рибери — «Порше»
Улардаги ўхшашлик: иккиси ҳам қисқа масофага тезлик олишда ва тезкор бурилишларда жуда қулай!
Погба –«Ауди А6»
Погбанинг ўртача тезлиги, бақувват танаси ва жисмоний етуклиги шу машина моделига ўхшаб кетади.
Муҳаммад Салоҳ — «Ягуар»
Бу марканинг қолган машиналардан битта ўзгача томони бор. У ҳам Салоҳ сингари камёблар сирасига киради.
Серхио Рамос — «Мерседес»
Рамос ҳам айнан шу машина сингари жанговар ўйинчилар сирасига киради. Бу машина ўзининг ишончли эканлиги билан ном қозонган, худди Элкапитано сингари.
Златан Ибраҳимович — «Ҳаммер»
Ибраҳимовичга бошқача машина мос келмасди!
Неймар — «Ламборжини»
Неймарнинг жозибали ўйинига жозибали Ламборжини ярашадида!
Месси — «Феррари»
Дунёнинг энг машҳур ўйинчисига, энг машҳур машина бренди! Тезликда иккиси ҳам беназир.
Криштиану Роналду — «Бугатти Вейрон»
CR7 — ўзгача йигит. Кийиниши ҳам, соч турмаги ҳам, ҳамма-ҳаммаси ўзгача. Бугатти ҳам айни у боп десам адашмаган бўламан.
Миржалол Қосимов — «Малибу»
Аслида Миржалол Қосимовни вертолётга қиёсласак ҳам бўларди, лекин қонун барчага баробар. Қисқача қилиб айтганда: Миллий маҳсулот — миллий ғурур!
Яҳёхўжа УЛУҒХЎЖАЕВ
