Бугун Нукусда ўтадиган Про-Лига 8-тур доирасидаги “Орол” – “Динамо” учрашувида жамоалар қандай рангдаги либосларда тушишлари маълум бўлди.

Унга кўра, мезбонлар “Орол” жамоаси кўк-оқ, меҳмонлар “Динамо” клуби эса оқ рангли футболкаларда майдонга тушадиган бўлишди.

Ўйин соат 17:00 да Нукусдаги марказий стадионда бошланади. «Орол» клуби майдони сунъий қопламали майдон саналади.

Қайд этиш жоиз, ҳозирда Қорақалпоғистон клуби сафида “Динамо”нинг собиқ футболчилари Азамат Бобожонов, Дамир Низановлар тўп суришмоқда.

Бугунги учрашувда жароҳати боис Виктор Григорьев ва Бунёд Исроилов сингари ҳимоячилар “Динамо”га ёрдам бера олишмайди.