"Ювентус" дарвозабони Жанлуижи Буффон фаолиятини тугатишга қарор қилди. Бу ҳақида 40 ёшли посбоннинг агенти Сильвано Мартина маълум қилди.
"Бу Тотти усулидаги хайрлашув бўлмайди, чунки драматик хайрлашув фақат Римда бўлади. Туринда Дель Пьеро усулида хайрлашилади.
Ўйин тугашига 15 дақиқа қолганида "Хайр, Платини" каби баннер кўтарилади. Кўз ёшлар ҳам бўлади, аммо ҳамма ўзини тияди.
Мен учун дунёдаги энг буюк дарвозабонни кузатиш фахрдир. Бошқа ҳеч нарса дея олмайман, унинг ўзи пайшанба кунги матбуот анжуманида ҳаммасини айтиб беради", - дейди агент.
Буффон 1995 йилдан футбол ўйнаб келмоқда ва профессионал даражада 1051 та ўйин ўтказди. 9 карра Италия чемпиони бўлди, 5 марта Италия кубоги соҳиби, шунингдек, бир марта жаҳон чемпиони бўлган.
