"Yuventus" darvozaboni Janluiji Buffon faoliyatini tugatishga qaror qildi. Bu haqida 40 yoshli posbonning agenti Silvano Martina ma’lum qildi.
"Bu Totti usulidagi xayrlashuv bo‘lmaydi, chunki dramatik xayrlashuv faqat Rimda bo‘ladi. Turinda Del Pyero usulida xayrlashiladi.
O‘yin tugashiga 15 daqiqa qolganida "Xayr, Platini" kabi banner ko‘tariladi. Ko‘z yoshlar ham bo‘ladi, ammo hamma o‘zini tiyadi.
Men uchun dunyodagi eng buyuk darvozabonni kuzatish faxrdir. Boshqa hech narsa deya olmayman, uning o‘zi payshanba kungi matbuot anjumanida hammasini aytib beradi", - deydi agent.
Buffon 1995 yildan futbol o‘ynab kelmoqda va professional darajada 1051 ta o‘yin o‘tkazdi. 9 karra Italiya chempioni bo‘ldi, 5 marta Italiya kubogi sohibi, shuningdek, bir marta jahon chempioni bo‘lgan.
