Бразилия терма жамоаси бош мураббийи Тите Швейцарияга қарши ўйиндан сўнг фикрларини билдириб ўтди.

“Миранда билан бўлган вазиятда ҳаммаси тушунарли. Мутлақо тушунарли, ҳакамни қарори оқланмади. Пенальти бўлиши мумкин бўлган вазиятда эса тортишишга арзийди.

Лекин, ҳакамга босим ўтказмаслик керак. Видео тизим ишламоқда кўплаб инсонлар вазиятларни тахлил қилмоқда. Бу қарорни тажрибали ҳакамлар чиқармоқдалар.

Миранда менга келиб “йиқилсам бўларкан шунда, ҳакам аниқ пенальти белгиларди” деди.

Унга “Керакмас! Бу шунғиш бўлади. Нима бўлса ҳам симуляция қилма, аҳир бу сени бурчинга киради” дедим.

Биз аксарият голарни бурчак тўпидан ўтказиб юборамизми? Улар футболчини орқасидан туртиб юборишди, мен буни қоида бузарлик деб атайман. Рақиб жамоа гол уриб олгандан сўнг, тиришқоқлик билан ўйнади. Ўйлашимча, босим остида қолган бўлсакда ўйин суръатини сақлаб турдик.  Бу биз учун яхши дарс бўлди. Албатта ғалаба қозонишимизни хоҳлагандим. Натижадан қониқмадим. Бу жаҳон чемпионати унда ҳар ким гол уришни истайди”, - дейди Тите.