ЖЧ-2018 мезбони — Россия терма жамоаси муддатидан аввал плей-офф йўлланмасини қўлга киритишга жуда яқин турибди. Иккинчи турни очиб берувчи баҳсда руслар Мисрга қарши баҳс олиб бориб, ишончли тарзда ғалаба қозонди.
Биринчи бўлимда ҳар иккала жамоа жуда катта куч сарфлади. Салоҳ бошчилигидаги мисрликлар рақиб ҳимоясини анча қийнади. Айниқса, танаффус яқин Муҳаммад жарима майдончаси чизиғи устидан хавфли зарба йўллашга муваффақ бўлди. Россияликлар бахтига тўп устун ёнидан ўтиб кетди.
Иккинчи бўлимнинг старти эса Миср термаси учун муваффақиятсиз келди. Дзюба олис масофадан дарвоза томон унчалик кучли бўлмаган зарба берди, тўп эса Фатҳийнинг оёғига тегиб, тўрга бориб тушди — 1:0.
Бу гол русларда ўзига бўлган ишончни ошириб юборди. Натижада баҳснинг 59 ва 62-дақиқаларда мезбонлар иккита гол уриб, амалда ўйин тақдирини ҳал қилиб қўйишди. Дастлаб Марио Фернандес ўнг қанотдан жарима майдончасига кириб, 11 метрли нуқта атрофига узатма берди. Черишевнинг зарба йўллашига ҳеч ким халал бермади — 2:0.
Орадан 3 дақиқа ўтиб Кутепев юқоридан рақиб жарима майдончасига узатма берди. Артём Дзюба тўпни кўкраги билан ўзига бўйсиндирди, бир ҳимоячини алдаб ўтди ва аниқ зарба билан ҳисобни 3:0га етказди.
Ўйин тугашига 17 дақиқа қолганида парагвайлик ҳакам Россия дарвозаси томон дастлаб жарима майдончаси ташқарисида жарима зарбаси белгилади. Кейин эса видеотакрорлар бўйича мутахассисларнинг ёрдами билан қарорни пенальтига ўзгартирди. Муҳаммад Салоҳ жаҳон чемпионатидаги дастлабки голини уришга муваффақ бўлди.
Мисрнинг бошқасига кучи етмади. Россия терма жамоаси эса ўз очколарини 6тага етказиб, нимчорак финал йўлланмасини деярли ҳал қилиб қўйди.
ЖЧ-2018. "А" гуруҳи, 2-тур
Россия – Миср 3:1 (0:0, 3:1)
Голлар: 1:0 – 47, автогол Фатҳий, 2:0 – 59 Черышев, 3:0 – 62 Дзюба, 3:1 – 73, пенальти Салах.
Россия – Акинфеев, Фернандес, Кутепов, Игнашевич, Жирков (Кудряшов, 86), Газинский, Зобнин, Самедов, Головин, Черишев (Кузяев, 74), Дзюба (Смолов, 79).
Миср – Эл-Шенавий, Фатҳий, Габр, Хегазий, Абдел-Шафий, Эл-Ненни (Уарда, 64), Ҳамид, Муҳаммад Салоҳ, Эл-Саид, Трезеге (Собхи, 68), Мухсин (Кахраба, 82).
Огоҳлантиришлар: Трезеге (57), Смолов (84).
| 28/06 03:00 | Панама | 2-1 | АҚШ | ||
| 28/06 06:00 | Уругвай | 5-0 | Боливия | ||
| 28/06 20:00 | Сўғдиёна | 4-2 | Динамо | ||
| 28/06 20:00 | Қизилқум | 1-0 | ОКМК | ||
| 29/06 03:00 | Колумбия | 3-0 | Коста-Рика | ||
| 29/06 06:00 | Парагвай | 1-4 | Бразилия | ||
| 29/06 21:00 | Швейцария | - | Италия | ||
| 30/06 00:00 | Германия | - | Дания | ||
| 30/06 05:00 | Канада | - | Чили | ||
| 30/06 05:00 | Аргентина | - | Перу | ||
| 30/06 21:00 | Англия | - | Словакия | ||
| 01/07 00:00 | Испания | - | Грузия |
ЖЧ-2018. Россия иккинчи ўйинда ҳам ғалаба қозонди
| Баҳо: |
+ | -
|
Рукн: Шарҳлар ва Анонслар
Манба: stadion.uz
Киритилди: 00:51, 20.06.2018.
Ўқилди: 6934 марта.
Фикрлар: 6 та.
Ўқилди: 6934 марта.
Фикрлар: 6 та.
ЭНГ КЎП ЎҚИЛГАН ЯНГИЛИКЛАР
"Барселона" Рафиньяга нарх белгилади [3515]
Самвел Бабаян «Навбаҳор»ни тарк этди [3169]
Футбол агенти: "Роналдунинг асосий таркибда майдонга тушиши катта хато" [2932]
Гюндоган: "Реал Мадрид"дан ўрнак олиш керак" [2715]
Суперкомпьютер Евро-2024нинг асосий фаворитларини тахмин қилди [2456]
Расман: «Реал» ҳужумчиси жамоадан кетганини эълон қилди [2248]
Евро-2024. Чорак финал иштирокчилари тахмин қилди [2160]
"Барса" икки футболчисини Ла Лигада рўйхатдан ўтказди. Витор Рокенинг келажаги кейинроқ ҳал қилинади [2097]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|