Россияда давом этаётган Жаҳон чемпионатининг "E" гуруҳида 2-тур ўйинлари якунига етди. Сербия ва Швейцария терма жамоалари ўртасидаги ўйин тақдири сўнгги дақиқаларда ҳал бўлди.
Дастлаб баҳснинг 5-дақиқасида сербияликлар Митровичнинг голи эвазига ҳисобни очишди. Танаффусга қадар швейцарияликлар бир нечта хавфли ҳужум ташкил қилган бўлсалар-да, серблар ҳисобдаги устунликни сақлаб қолишди.
Иккинчи бўлим бошида Гранит Жака жарима майдончаси ташқарисидан кучли зарба йўллаб, ҳисобни тенглаштирди. Орадан кўп ўтмасдан Шакири Швейцарияни олдинга олиб чиқиши мумкин эди, аммо унинг зарбасидан кейин тўп устунга тегиб қайтди.
Шундан сўнг майдонда тенгма-тенг кураш кечди. Фақатгина сўнгги дақиқада Швейцария терма жамоаси қарши ҳужумда рақибни жазолади. Жердан Шакири дарвозабон билан яккама-якка вазиятга чиқиб кетди ва дарвозани забт этди.
Ушбу ғалабадан кейин Швейцария ўз очколарини 4тага етказган бўлса, Сербия 3 очко билан 3-ўринни эгаллаб турибди. Серблар сўнгги турда Бразилия билан, швейцарияликлар эса Коста-Рика билан тўқнаш келишади.
ЖЧ-2018. "E" гуруҳи, 2-тур
Сербия – Швейцария 1:2 (1:0, 0:2)
Голлар: 1:0 – 5 Митрович, 1:1 – 52 Джака, 1:2 – 90 Шакири.
Сербия – Стойкович, Миленкович, Коларов, Иванович, Тошич, Миливоевич (Радонич, 81), Матич, Милинкович-Савич, Тадич, Костич (Ляйич, 65), Митрович.
Швейцария – Зоммер, Шер, Родригес, Лихтштайнер, Аканжи, Беҳрами, Жака, Жемаили (Эмболо, 73), Шакири, Цубер (Дрмич, 90), Сеферович (Гавранович, 46).
Огоҳлантиришлар: Милинкович-Савич (33), Миливоевич (39), Матич (45), Митрович (87), Шакири (90).
| № | Жамоа | Ў | Ғ | Д | М | Т - Н | О |
|---|---|---|---|---|---|---|---|
| 1. |  Бразилия |
2 | 1 | 1 | 0 | 3-1 | 4 |
| 2. |  Швейцария |
2 | 1 | 1 | 0 | 3-2 | 4 |
| 3. |  Сербия |
2 | 1 | 0 | 1 | 2-2 | 3 |
| 4. |  Коста-Рика |
2 | 0 | 0 | 2 | 0-3 | 0 |
