Rossiyada davom etayotgan Jahon chempionatining "E" guruhida 2-tur o‘yinlari yakuniga yetdi. Serbiya va Shveysariya terma jamoalari o‘rtasidagi o‘yin taqdiri so‘nggi daqiqalarda hal bo‘ldi.
Dastlab bahsning 5-daqiqasida serbiyaliklar Mitrovichning goli evaziga hisobni ochishdi. Tanaffusga qadar shveysariyaliklar bir nechta xavfli hujum tashkil qilgan bo‘lsalar-da, serblar hisobdagi ustunlikni saqlab qolishdi.
Ikkinchi bo‘lim boshida Granit Jaka jarima maydonchasi tashqarisidan kuchli zarba yo‘llab, hisobni tenglashtirdi. Oradan ko‘p o‘tmasdan Shakiri Shveysariyani oldinga olib chiqishi mumkin edi, ammo uning zarbasidan keyin to‘p ustunga tegib qaytdi.
Shundan so‘ng maydonda tengma-teng kurash kechdi. Faqatgina so‘nggi daqiqada Shveysariya terma jamoasi qarshi hujumda raqibni jazoladi. Jerdan Shakiri darvozabon bilan yakkama-yakka vaziyatga chiqib ketdi va darvozani zabt etdi.
Ushbu g‘alabadan keyin Shveysariya o‘z ochkolarini 4taga yetkazgan bo‘lsa, Serbiya 3 ochko bilan 3-o‘rinni egallab turibdi. Serblar so‘nggi turda Braziliya bilan, shveysariyaliklar esa Kosta-Rika bilan to‘qnash kelishadi.
JCH-2018. "E" guruhi, 2-tur
Serbiya – Shveysariya 1:2 (1:0, 0:2)
Gollar: 1:0 – 5 Mitrovich, 1:1 – 52 Djaka, 1:2 – 90 Shakiri.
Serbiya – Stoykovich, Milenkovich, Kolarov, Ivanovich, Toshich, Milivoyevich (Radonich, 81), Matich, Milinkovich-Savich, Tadich, Kostich (Lyayich, 65), Mitrovich.
Shveysariya – Zommer, Sher, Rodriges, Lixtshtayner, Akanji, Behrami, Jaka, Jemaili (Embolo, 73), Shakiri, Suber (Drmich, 90), Seferovich (Gavranovich, 46).
Ogohlantirishlar: Milinkovich-Savich (33), Milivoyevich (39), Matich (45), Mitrovich (87), Shakiri (90).
| № | Jamoa | O‘ | G‘ | D | M | T - N | O |
|---|---|---|---|---|---|---|---|
| 1. |  Braziliya |
2 | 1 | 1 | 0 | 3-1 | 4 |
| 2. |  Shveysariya |
2 | 1 | 1 | 0 | 3-2 | 4 |
| 3. |  Serbiya |
2 | 1 | 0 | 1 | 2-2 | 3 |
| 4. |  Kosta-Rika |
2 | 0 | 0 | 2 | 0-3 | 0 |
