Болажонлар ёзги таътилни мароқли ва мазмунли ўтказишларини таъминлаш мақсадида Ўзбекистон футбол Ассоциацияси Ўзбекистон касаба уюшмалари Федерацияси билан ҳамкорликда ҳар бир вилоятда футбол фестивалларини ташкил этишга қарор қилгани ҳақида аввал хабар бериб ўтгандик.
“Ёз ўтмоқда соз” шиори остидаги мини футбол мусобақалари бу сафар Самарқанд вилоятидаги "Дўстлик" оромгоҳида ўтказилди. Мусобақада 9 та жамоа иштирок этди. Учқун, Ситора, Залатинка, Оҳалик, Дўстлик, Нурафшон, Селский, Спартак, жамолари ўртасида бўлиб ўтган муросасиз баҳсларда Дўстлик жамоаси ғолибликни қўлга киритди. Мусобақа ғолибларига Ўзбекистон футбол ассоциацияси томонидан медаллар, фаҳрий ёрлиқлар ва эсдалик совғалар топширилди.
