Bolajonlar yozgi ta’tilni maroqli va mazmunli o‘tkazishlarini ta’minlash maqsadida O‘zbekiston futbol Assosiasiyasi O‘zbekiston kasaba uyushmalari Federasiyasi bilan hamkorlikda har bir viloyatda futbol festivallarini tashkil etishga qaror qilgani haqida avval xabar berib o‘tgandik.
“Yoz o‘tmoqda soz” shiori ostidagi mini futbol musobaqalari bu safar Samarqand viloyatidagi "Do‘stlik" oromgohida o‘tkazildi. Musobaqada 9 ta jamoa ishtirok etdi. Uchqun, Sitora, Zalatinka, Ohalik, Do‘stlik, Nurafshon, Selskiy, Spartak, jamolari o‘rtasida bo‘lib o‘tgan murosasiz bahslarda Do‘stlik jamoasi g‘oliblikni qo‘lga kiritdi. Musobaqa g‘oliblariga O‘zbekiston futbol assosiasiyasi tomonidan medallar, fahriy yorliqlar va esdalik sovg‘alar topshirildi.
