Pepsi Суперлига 20-тури доирасида "Навбаҳор" Фарғонада “Нефтчи” жамоаси меҳмони бўлади.

Мазкур “водий дербиси”нинг худди аввалгилари сингари қизиқарли ва ҳужумкор руҳда ўтишига шубҳамиз йўқ.

Ушбу жамоалар олий лига (бу йилдан Суперлига)мизнинг мунтазам иштирокчиси ҳисобланишади ва шу кунгача Ўзбекистон чемпионати баҳслари доирасида 53 марта рақиб бўлишган.

Ўйинларнинг 13тасида “Навбаҳор” ғалаба қозонган бўлса, 25та учрашувда фарғоналиклар зафар қучишган, 15та баҳсда эса жамоалар дурангга имзо чекишган. Тўплар нисбатидаги кўрсаткич – 53-78, “Нефтчи” фойдасига.

Мазкур клубларнинг жорий мавсумдаги Pepsi Суперлига 9-тури доирасидаги Наманганда бўлиб ўтган баҳсида дуранг – 1:1 ҳисоби қайд этилганди. “Лочинлар”нинг голига Сардор Сулаймонов, “Нефтчи”никига эса Хуршидбек Асқаралиев муаллифлик қилишганди. Қизиғи, ҳар икки футболчи ҳам захирадан майдонга туширилганди.

Ўз навбатида шуни ҳам таъкидлаш жоизки, наманганликлар Илҳом Мўминжонов қўл остида ҳали “Нефтчи”га ютқазишмаган.

Таъкидлаганимиздек, жорий мавсумда Наманганда ўтказилган ўйиндан ташқари, ўтган йилги мавсумдаги ҳар 2 учрашувда ҳам дуранг натижа қайд этилганди. “Лочинлар” Фарғонадан охирги марта 2004 йилда ғалаба билан қайтишганди. Ўшанда наманганликлар мезбонларни йирик – 3:0 ҳисобида мағлубиятга учратишганди.