Pepsi Superliga 20-turi doirasida "Navbahor" Farg‘onada “Neftchi” jamoasi mehmoni bo‘ladi.
Mazkur “vodiy derbisi”ning xuddi avvalgilari singari qiziqarli va hujumkor ruhda o‘tishiga shubhamiz yo‘q.
Ushbu jamoalar oliy liga (bu yildan Superliga)mizning muntazam ishtirokchisi hisoblanishadi va shu kungacha O‘zbekiston chempionati bahslari doirasida 53 marta raqib bo‘lishgan.
O‘yinlarning 13tasida “Navbahor” g‘alaba qozongan bo‘lsa, 25ta uchrashuvda farg‘onaliklar zafar quchishgan, 15ta bahsda esa jamoalar durangga imzo chekishgan. To‘plar nisbatidagi ko‘rsatkich – 53-78, “Neftchi” foydasiga.
Mazkur klublarning joriy mavsumdagi Pepsi Superliga 9-turi doirasidagi Namanganda bo‘lib o‘tgan bahsida durang – 1:1 hisobi qayd etilgandi. “Lochinlar”ning goliga Sardor Sulaymonov, “Neftchi”nikiga esa Xurshidbek Asqaraliyev mualliflik qilishgandi. Qizig‘i, har ikki futbolchi ham zaxiradan maydonga tushirilgandi.
O‘z navbatida shuni ham ta’kidlash joizki, namanganliklar Ilhom Mo‘minjonov qo‘l ostida hali “Neftchi”ga yutqazishmagan.
Ta’kidlaganimizdek, joriy mavsumda Namanganda o‘tkazilgan o‘yindan tashqari, o‘tgan yilgi mavsumdagi har 2 uchrashuvda ham durang natija qayd etilgandi. “Lochinlar” Farg‘onadan oxirgi marta 2004 yilda g‘alaba bilan qaytishgandi. O‘shanda namanganliklar mezbonlarni yirik – 3:0 hisobida mag‘lubiyatga uchratishgandi.
