PEPSIСуперлига 20-тур учрашувлари доирасидан ўрин олган “Нефтчи” – “Навбаҳор” учрашуви танаффуси вақтида “Навбаҳор” футбол клуби фотомухбири Илҳом Иминов техник ҳудудда тамаки истеъмол қилгани ўйин комиссари томонидан қайд этилган.

Мусобақалар Регламентининг 3-қисм 3.9 банди ҳамда интизомий ва жарималар кодексининг 2-қисм 5.37 бандини қўпол равишда бузгани учун “Навбаҳор” футбол клуби фотомухбири Илҳом Иминов расмий учрашув пайти “Истиқлол” стадиони техник ҳудудида тамаки махсулоти истеъмол қилгани сабабли 1 миллион сўм миқдорида жаримага тортилди.  

Соғлом турмуш тарзи тарғиб этиладиган спорт тадбирлари вақтида стадион техник ҳудудида тамаки истеъмол қилиш ножоиздир.