Англия терма жамоасининг собиқ бош мураббийи Сэм Эллардайс "Манчестер Юнайтед" яримҳимоячиси Поль Погбани нархи ошириб юборилган ўйинчи деб ҳисобламоқда.

"Манчестер Юнайтед" мухлислари анчадан буён Погбадан юқори савиядаги барқарор ўйинни кутишмоқда. Тан олиш керак, у барқарорлик бобида кутилган натижани бермаяпти. У 25 ёшда, у энг чўққида бўлиши керак. Ҳа, у ўтган мавсумда "Сити" билан муҳим ўйинда ажойиб голлар урди ва ҳужумчи ортида яхши кўринди, аммо буни доим кузатмаяпмиз.

Унинг ўйин савияси тез ўзгаради, у ўзига тўланаётган пулларни оқламаяпти. Маошни эса у доим юқори савияли ўйин кўрсатиши учун тўланмоқда", - дейди Эллардайс.