Кеча — 19 сентябрь куни ярим финалга йўл олган барча жамоалар номи маълум бўлади. 1/2 финал учрашувлари 27-28 сентябрь кунлари бўлиб ўтиши кўзда тутилган.
Ярим финал жуфтликлари Sport TV орқали жонли эфирда намойиш этиладиган "Гол" кўрсатуви вақтида ташланадиган қуръа орқали аниқлаб олинади. Кўрсатув бугун, 20 сентябрь куни 19:40 да бошланади.
Таъкидлаш жоиз, Ўзбекистон кубогининг 1/8 финал учрашувлари қуръаси ҳам, 1/4 финал қуръаси ҳам Sport TV орқали жонли эфирда намойиш этилган эди. Дастлаб Миржалол Қосимов, Мурод Зухуров ҳамда Азиз Турғунбоев қуръа маросимида иштирок этган бўлса, чорак финал жуфтликларини Равшан Ҳайдаров аниқлаб берганди.
