"Интер" бош мураббийи Лучано Спаллетти Италия чемпионатида "Сампдория" билан ўйин (1:0) охирида нима учун четлатилганини тушунтирди.
Миланликлар 94-дақиқада гол урдилар. Аввалроқ ҳакам икки марта уларнинг голини ҳисобламаган эди.
"Мен камерага қараб: "Гоооол!" дея қичқирдим, аммо тўртинчи ҳакам ўзимни жуда ёмон тутганимни айтди.
Мен муҳим голни урганим учун камерага қичқирдим, аммо менинг бу ишимни ўта ҳис-ҳаяжонли деб топдилар", - дейди Спалетти.
Fc Inter News маълумотига кўра, тўртинчи ҳакам мураббий унга қичқирган деб ўйлаган ва бу ҳақида бош ҳакамга хабар берган. Бош ҳакам Марко Гуиде Спалеттини "носпортча ҳатти-ҳаракатлар" учун четлатган.
