23 сентябрь куни Суперлига 24-тури доирасида Бекободнинг “Металлург” жамоаси билан куч синашиб, нурсиз дурангга имзо чеккан Наманганнинг “Навбаҳор” клуби дам олмасдан, бугундан 25-тур доирасидаги сафарда Тошкентнинг “Бунёдкор” жамоасига қарши кечадиган ўйинга тайёргарликни бошлаб юборди.
Илҳом Мўминжонов шогирдлари бугун бир маҳал машғулот ўтказишди. Эртадан машғулотлар 2 маҳалдан давом эттирилади. Жамоа аъзолари Намангандаги тайёргарликни 29 сентябрда якунлашади. 30 сентябрдан эса машғулотлар Тошкентда давом эттирилади.
Суперлига 25-тур доирасидаги “Бунёдкор” – “Навбаҳор” учрашуви 3 октябрь куни ўтказилади.
“Навбаҳор” ПФК матбуот хизмати.
