The Sun хабарига кўра, ФИФА 2022 йилда Қатарда бўлиб ўтадиган жаҳон чемпионати гуруҳ босқичи ўйинларида пенальтилар серияси жорий қилиш ҳақида бош қотирмоқда.
Пенальтилар серияси ўйин дуранг натижа билан тугаган тақдирда қўлланилади.
Манбада ёзилишича, бу янгилик мундиал иштирокчиларининг 32 дан 48 тага кўпайганида қўлланилади. Жамоалар ҳар бири 3 та терма жамоадан 16 та гуруҳга бўлинади, бу нарса у ёки бу жамоанинг сўнгги турда дуранг ҳам қаноатлантириши мумкин бўлган вазиятларни келтириб чиқаради.
Дуранг натижада худи ҳозиргидек бир очкодан берилади, пенальтилар сериясида ғолиб чиққан жамоа қўшимча очкога эга бўлади.
