Бугун Италия чемпионати 6-тур учрашувлари давом эттирилади. Бугундан мусобақа гигантлари “Ювентус”, “Наполи”, “Рома”, “Лацио”, “Удинезе” ва “Торино”лар ўз юришини бошлайди.

“Ювентус” – “Болонья”

“Болонья” ўтган турда “Рома” дарвозасига жавобсиз иккита гол уришга эришди. Тўғри “кекса синьора”ларни ўз майдонида мағлуб этиш мушкул иш. Аммо “Болонья” секин аста инқироздан чиқиб бормоқда. Улардан энди ҳамма нарса кутиш мумкин.

Туринликлар кейинги турда “Наполи” билан ўйнайди. Аллегри бу ўйинда заҳира футболчиларидан фойдаланиши ҳам мумкин. Катта эҳтимол билан бугунги учрашувда туринликлар дарвоасини Перин қўриқлайди.

Тахминий таркиблар:

“Рома” – “Фрозиноне”

Ди Франческо учун яна бир синов. “Бўрилар” бу турда “Фрозиноне”ни қабул қилади. Жамоа Италия чемпионати баҳсларида ҳеч қачон “Фрозиноне”га ютқазмаган.

“Рома” Италия чемпионатида жорий мавсум ўз майдонида бирорта ғалабага эришолмади. Шунингдек, “Фрозононе” сафарда иккита учрашувда мағлубиятга учради. Жамоа иккита ўйинда 5т а гол ўтказиб юборди. Бу чемпионатдаги энг ёмон натижа.

Тахминий таркиблар:

“Удинезе” – “Лацио”

Бу тўқнашув шубҳасиз турнинг марказий учрашуви бўлади. Бу икки жамоани турнир жадвалида бир очко ажратиб турибди. “Кичик зебралар” ўз майдонида “Бургутлар”ни мағлубиятга учратишга уриниб кўради. Сўнги 8 та ўйинда буён “Удинезе” “Лацио”ни юта олмаяпти. Бугун омадсиз серияга барҳам берилиши мумкин!

“Наполи” – “Парма”

Мусобақанинг иккинчи ўринида бораётган “Наполи” бу турда “Парма”ни қабул қилади. Жервиньо етакчилигидаги “Парма” бу мавсум ишончли ҳаракат қиляпти. Ўтган турда улар “Кальярини” таслим этишганди. “Наполи” сафида бугунги ўйинни Ғулом, Мерет, Кирикеш ва Юнес ўтказиб юборса, “Парма” сафида Мунари, Скоццарелла, Бьябьяни ва Грасси ушбу ўйинни ўтказиб юборади.

Шунингдек, бугун “Аталанта” “Торино”, “Женоа” “Кьево” ва “Кальяри” “Сампдория” ўйинлари бўлиб ўтади.

Бугунги барча учрашувлар Тошкент вақти билан 00:00да бошланади:

Жалолиддин Қобилжонов