Bugun Italiya chempionati 6-tur uchrashuvlari davom ettiriladi. Bugundan musobaqa gigantlari “Yuventus”, “Napoli”, “Roma”, “Lasio”, “Udineze” va “Torino”lar o‘z yurishini boshlaydi.
“Yuventus” – “Bolonya”
“Bolonya” o‘tgan turda “Roma” darvozasiga javobsiz ikkita gol urishga erishdi. To‘g‘ri “keksa sinyora”larni o‘z maydonida mag‘lub etish mushkul ish. Ammo “Bolonya” sekin asta inqirozdan chiqib bormoqda. Ulardan endi hamma narsa kutish mumkin.
Turinliklar keyingi turda “Napoli” bilan o‘ynaydi. Allegri bu o‘yinda zahira futbolchilaridan foydalanishi ham mumkin. Katta ehtimol bilan bugungi uchrashuvda turinliklar darvoasini Perin qo‘riqlaydi.
Taxminiy tarkiblar:
“Roma” – “Frozinone”
Di Franchesko uchun yana bir sinov. “Bo‘rilar” bu turda “Frozinone”ni qabul qiladi. Jamoa Italiya chempionati bahslarida hech qachon “Frozinone”ga yutqazmagan.
“Roma” Italiya chempionatida joriy mavsum o‘z maydonida birorta g‘alabaga erisholmadi. Shuningdek, “Frozonone” safarda ikkita uchrashuvda mag‘lubiyatga uchradi. Jamoa ikkita o‘yinda 5t a gol o‘tkazib yubordi. Bu chempionatdagi eng yomon natija.
Taxminiy tarkiblar:
“Udineze” – “Lasio”
Bu to‘qnashuv shubhasiz turning markaziy uchrashuvi bo‘ladi. Bu ikki jamoani turnir jadvalida bir ochko ajratib turibdi. “Kichik zebralar” o‘z maydonida “Burgutlar”ni mag‘lubiyatga uchratishga urinib ko‘radi. So‘ngi 8 ta o‘yinda buyon “Udineze” “Lasio”ni yuta olmayapti. Bugun omadsiz seriyaga barham berilishi mumkin!
“Napoli” – “Parma”
Musobaqaning ikkinchi o‘rinida borayotgan “Napoli” bu turda “Parma”ni qabul qiladi. Jervinyo yetakchiligidagi “Parma” bu mavsum ishonchli harakat qilyapti. O‘tgan turda ular “Kalyarini” taslim etishgandi. “Napoli” safida bugungi o‘yinni G‘ulom, Meret, Kirikesh va Yunes o‘tkazib yuborsa, “Parma” safida Munari, Skossarella, Byabyani va Grassi ushbu o‘yinni o‘tkazib yuboradi.
Shuningdek, bugun “Atalanta” “Torino”, “Jenoa” “Kyevo” va “Kalyari” “Sampdoriya” o‘yinlari bo‘lib o‘tadi.
Bugungi barcha uchrashuvlar Toshkent vaqti bilan 00:00da boshlanadi:
Jaloliddin Qobiljonov
