Австралиянинг иккинчи дивизионида қатнашувчи «АПИА Лейхардт Тайгерс» клуби Франческо Тоттини таклиф қилиш вариантини ўрганиб чиқмоқда. Мазкур жамоа ўйинлар ўтказадиган Мельбурнда «Рома» билан мустаҳкам алоқаларни йўлга қўйган футбол академияси фаолият юритади.
Мазкур таълим маскани вакили Энтони Уччио шундан унумли фойдаланиб, Тоттини 26 сентябрь куни ўтказиладиган Австралия чемпионати «плей-офф» учрашувида тўп суришга кўндирмоқчи.
Франческо эса октябрь бошида Сиднейга бормоқчи, шу боис Уччио бутсаларини михга илганига ҳали узоқ бўлмаган футболчининг яна битта ўйин ўтказишидан умидвор.
Энтонининг таъкидлашича, бундан аввал «Рома»нинг бошқа бир афсонаси Жузеппе Жаннини битта учрашувда майдонга тушишга кўндирган экан. Аввалроқ «кенгурулар юрти» иккинчи дивизионидаги бошқа бир клуб - «Эйвондэйл» Италия «маэстро»си Андреа Пирлога Австралия кубогида тўп суриш бўйича шартнома таклиф қилганди.
Ўшанда машҳур ярим ҳимоячи кўнмаган. Шу муносабат билан sport24.ru сайти вакиллари фаолиятининг сўнгги дамлари «яшил қитъа»да ўйнашга улгурган юлдузлардан иборат фотожамланма тайёрлади.
АЛЕССАНДРО ДЕЛЬ ПЬЕРО
Клуби: «Сидней» (2012-2014)
Кўрсаткичи: 48 ўйин, 12та гол
РОМАРИО
Клуби: «Аделаида Юнайтед» (2006)
Кўрсаткичи: 4 ўйин, 1та гол
РОББИ ФАУЛЕР
Клублари: «Норт Квинсленд Фури» (2009-2010), «Перт Глори» (2010-2011)
Кўрсаткичи: 54 ўйин, 18та гол
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
