Avstraliyaning ikkinchi divizionida qatnashuvchi «APIA Leyxardt Taygers» klubi Franchesko Tottini taklif qilish variantini o‘rganib chiqmoqda. Mazkur jamoa o‘yinlar o‘tkazadigan Melburnda «Roma» bilan mustahkam aloqalarni yo‘lga qo‘ygan futbol akademiyasi faoliyat yuritadi.
Mazkur ta’lim maskani vakili Entoni Uchchio shundan unumli foydalanib, Tottini 26 sentyabr kuni o‘tkaziladigan Avstraliya chempionati «pley-off» uchrashuvida to‘p surishga ko‘ndirmoqchi.
Franchesko esa oktyabr boshida Sidneyga bormoqchi, shu bois Uchchio butsalarini mixga ilganiga hali uzoq bo‘lmagan futbolchining yana bitta o‘yin o‘tkazishidan umidvor.
Entonining ta’kidlashicha, bundan avval «Roma»ning boshqa bir afsonasi Juzeppe Jannini bitta uchrashuvda maydonga tushishga ko‘ndirgan ekan. Avvalroq «kengurular yurti» ikkinchi divizionidagi boshqa bir klub - «Eyvondeyl» Italiya «maestro»si Andrea Pirloga Avstraliya kubogida to‘p surish bo‘yicha shartnoma taklif qilgandi.
O‘shanda mashhur yarim himoyachi ko‘nmagan. Shu munosabat bilan sport24.ru sayti vakillari faoliyatining so‘nggi damlari «yashil qit’a»da o‘ynashga ulgurgan yulduzlardan iborat fotojamlanma tayyorladi.
ALESSANDRO DEL PYERO
Klubi: «Sidney» (2012-2014)
Ko‘rsatkichi: 48 o‘yin, 12ta gol
ROMARIO
Klubi: «Adelaida Yunayted» (2006)
Ko‘rsatkichi: 4 o‘yin, 1ta gol
ROBBI FAULER
Klublari: «Nort Kvinslend Furi» (2009-2010), «Pert Glori» (2010-2011)
Ko‘rsatkichi: 54 o‘yin, 18ta gol
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
