«Barselona» chap qanot vingeri Entoni Gordonni nima maqsadda sotib olgani haqida ma’lumotlar paydo bo‘ldi. Diario SPORT nashrining ta’kidlashicha, Gordonning jamoaga kelishi bosh murabbiy Xans-Diter Flikning Rafinyaga bo‘lgan munosabatini o‘zgartirmagan.
Manbaga ko‘ra, germaniyalik mutaxassis hamon braziliyalik futbolchini jamoaning asosiy o‘yinchisi, sardori va kiyinish xonasidagi yetakchisi sifatida ko‘radi. Flikning maqsadi – jamoadagi raqobatni kuchaytirish va hujum chizig‘iga ko‘proq variantlarni qo‘shishdir.
O‘tgan mavsumda 29 yoshli Rafinya barcha musobaqalarda 33 ta o‘yin o‘tkazib, 21 ta gol urgan va 8 ta golli uzatmaga mualliflik qilgan. 25 yoshli Gordon esa «Nyukasl» safida 46 ta o‘yinda maydonga tushib, 17 ta gol va 5 ta assist qayd etgan.
