Футзал бўйича Қозоғистон чемпионатига янги мавсумдан бошлаб бир қатор ўзгартиришлар киритилди. Бу ҳақда Қозоғистон футбол федерацияси хабар тарқатмоқда.
Манбанинг хабар беришича, жорий мавсумдан бошлаб чемпионатда Премьер лига иштирокчилари 6 тадан 8 тагача оширилади. Яъни Қарағанданинг Прогресс ва Оқтўбанинг Инжу жамоалари янги мавсумдан Премьер лигада баҳс олиб боради.
Бундан ташқари, мусобақа форматига ҳам бир қатор янгиликлар киритилган. Хусусан, жорий мавсумдан бошлаб ўйинлар 2 даврада ташкил этилиб, ҳар бир жамоа ўз майдонида ва меҳмонда 2 тадан ўйин ўтказади. Шунингдек, эндиликда чемпионатда плей-офф баҳслари ўтказилмайди. Мусобақа 2018 йилнинг ноябрь ойидан бошланиб, 2019 йилнинг апрелига қадар давом этади.
Футзал бўйича Қозоғистон Премьер лигасининг 2018/2019 йилги мавсуми иштирокчилари қуйидаги жамоалар:
Оқтўба, Оқтўба
Аят, Рудний
ДЮСШ N 7, Чимкент
Жетису, Толдиқўрғон
Инжу, Оқтўба
Қайрат, Олмаота
Оқжетпес, Кокшетау
Прогресс, Қарағанда
