Қатар – 25 октябрдан 3 ноябргача Қатар пойтахти Доҳа шаҳрида ўтказилган спорт гимнастикаси бўйича Жаҳон чемпионатида бир неча халқаро мусобақалар ғолибаси ўзбекистонлик 43 ёшли Оксана Чусовитина иштирок этди.
Жаҳон гимнастикаси афсонаси таяниб сакраш машқларида 14 300 очко жамғариб, тўртинчи ўринни банд этди. Биринчи ўрин 15 366 очко жамғарган Симона Байлзга (АҚШ), иккинчи ўрин 14 516 очкога эга бўлган Шэллон Олсенга (Канада), учинчи ўрин эса 14 508 очко тўплаган Алекса Моренога (Мексика) насиб қилди.
Жаҳон чемпионатида дунёнинг 76 мамлакатидан 542 нафар спортчи иштирок этди. Ўзбекистон терма жамоаси эса 7 нафар спортчи билан қатнашди.
