Qatar – 25 oktyabrdan 3 noyabrgacha Qatar poytaxti Doha shahrida o‘tkazilgan sport gimnastikasi bo‘yicha Jahon chempionatida bir necha xalqaro musobaqalar g‘olibasi o‘zbekistonlik 43 yoshli Oksana Chusovitina ishtirok etdi.
Jahon gimnastikasi afsonasi tayanib sakrash mashqlarida 14 300 ochko jamg‘arib, to‘rtinchi o‘rinni band etdi. Birinchi o‘rin 15 366 ochko jamg‘argan Simona Baylzga (AQSH), ikkinchi o‘rin 14 516 ochkoga ega bo‘lgan Shellon Olsenga (Kanada), uchinchi o‘rin esa 14 508 ochko to‘plagan Aleksa Morenoga (Meksika) nasib qildi.
Jahon chempionatida dunyoning 76 mamlakatidan 542 nafar sportchi ishtirok etdi. O‘zbekiston terma jamoasi esa 7 nafar sportchi bilan qatnashdi.