Argentina terma jamoasi yetakchisi Lionel Messi futbol bo‘yicha 2026 yilgi jahon chempionati yarim finalida Angliya ustidan qozonilgan 2:1 hisobidagi g‘alabaga munosabat bildirdi.
«Erishgan yutug‘imiz aql bovar qilmaydigan darajada, garchi bu kimlargadir yoqmasligi mumkin bo‘lsa ham. Jamoamizga hech kim hech narsani shunchaki bermaydi. Nima deyishsa ham mayli. Biz raqobat qilamiz, kurashamiz va yaxshi o‘ynaymiz. Bugungi o‘yinimizga qarang: hisobda ortda bo‘lganimizga qaramay, Angliyaga qarshi ustunlik qildik.
Barcha argentinaliklarga quvonch ulashish imkoniga ega bo‘lganimdan faxrlanaman va juda xursandman. Men ushbu jahon chempionatiga deyarli bir yil tayyorlandim. Dekabr oyini Argentinada o‘tkazdim, ertalab ham, kechqurun ham mashg‘ulot o‘tkazdim. Chunki bu yerga eng yaxshi sport formasida kelish uchun bor kuchimni sarflashimni bilardim», — dedi Messi.
