"Атлетико" клуби ва Франция терма жамоаси ҳужумчиси Антуан Гризманн "Олтин тўп-2018" соврини овоз бериш жараёнида топ-3га киргани борасида фикрларини билдирди.
- Модричнинг ғалабасидан сўнг кайфиятингиз қалай?
- Аввалига ёлғиз қолишни истадим. Финалчилар қаторида бўлганимдан фахрланаман. Ҳамкасбларимни ҳурмат қиламан, бошқа номзодларни ҳам. Бу йил фақат жаҳон чемпионатида эмас, Европа лигаси ва Европа Суперкубогида ғолиб чиқдим.
Биринчи ўринда Модрични табриклайман. У қойилмақом йилни ўтказди. Мен ўз йилимдан мамнунман, мақсадларимга эришдим.
- ЖЧ ғолиб чиқиш "Олтин тўп"дек муҳимми?
- Бу тарихий нарса, уйингда шундай соврин бўлишини истайсан. Келаси йилга ҳаракат қилиб кўраман.
Мен мамнунман. Бу ерда бўлиб туришим оғир. Ўз шерикларимга миннатдорчилик билдираман ва бажарган ишларимдан фахрланаман.
- "Олтин тўп" олиш учун сизга нима етишмаяпти?
- Яхши савол, - дейди Гризманн.
