Англия чемпионатининг 16-тури доирасида "Ливерпуль" сафарда "Борнмут" клуби меҳмони бўлиб, йирик ҳисобда ғалаба қозонди.

Учрашувнинг биринчи бўлимида рақибга жиддий қаршилик кўрсатишди. Баҳснинг 25-дақиқасида олис масофадан берилган зарбани мезбонлар посбони қайтарди. Кичик офсайдда турган Салоҳ эса қайтган тўпни дарвозага йўллаб, ҳисобни очди.

Иккинчи бўлим эса мерсисайдликларнинг тўлиқ устунлиги остида ўтди. Муҳаммад Салоҳ яна иккита гол урган бўлса, яна бир автогол "Борнмут" ҳимоячиси Стив Кук ҳисобига ёзилди.

Ушбу ғалабадан кейин Юрген Клопп шогирдлари ўз очколарини 42тага етказиб, жадвалда вақтинчалик бўлса-да пешқадам бўлиб олди.

АПЛ, 16-ТУР
Борнмут – Ливерпуль 0:4 (0:1, 0:3)
Голлар: 0:1 – 25 Салоҳ, 0:2 – 48 Салоҳ, 0:3 – 68, автогол Кук, 0:4 – 77 Салоҳ.
Борнмут – Бегович, Кук, Фрэнсис, Аке, Дэниэлс (Рико, 83), Серман, Фрэйзер, Брукс (Муссе, 65), Станислас (Мингз, 83), Кинг, Лерма.
Ливерпуль – Алиссон, ван Дейк, Матип, Робертсон, Вейналдум, Фабиньо, Кейта (Лаллана, 65), Милнер, Шакири (Мане, 65), Фирмино (Хендерсон, 81), Салоҳ.
Огоҳлантиришлар: Аке (12), Лерма (15), Фабиньо (70).