Хабарингиз бор, келаси йилнинг 5 январь – 1 февраль кунлари Бирлашган Араб Амирликларида Осиё Кубоги мусобақаси бўлиб ўтади.

Ушбу мусобақада Эктор Купер бошчилигидаги Ўзбекистон миллий терма жамоаси “F” гуруҳида Уммон, Туркманистон ва Япония терма жамоаларига қарши кураш олиб боради.

Мазкур мусобақа давомида ҳар бир миллий терма жамоа учун алоҳида автобус ажратилиб, ушбу автобусга терма жамоа шиори ёзиб қўйилади. Осиё Футбол Конфедерацияси расмий сайтида барча терма жамоаларнинг Осиё Кубогидаги шиори учун овоз бериш жараёни бўлиб ўтганди. Бугун ОФК расмий твиттери овоз бериш натижаларини эълон қилди.

Терма жамоамиз учун 3та шиор варианти тақдим этилганди:

“КУЧ БИРЛИКДА” — "FORCE IN UNITY"

"БИТТА ОСИЁ. БИТТА ЖАМОА, БИТТА ОРЗУ” — "ONE ASIA.ONE TEAM. ONE DREAM.

“БИЗ ШУ ЕРДАМИЗ.ЎЗБЕКИСТОН” — "HERE WE ARE.UZBEKISTAN"

Якунда “БИЗ ШУ ЕРДАМИЗ.ЎЗБЕКИСТОН” — "HERE WE ARE.UZBEKISTAN" широи ғолиб чиқди. Эндиликда ушбу шиор Осиё Кубоги давомида терма жамоамизни олиб юрадиган автобусда акс этади.

Қуйида эътиборингизга барча терма жамоаларнинг шиорларини келтириб ўтамиз:

“А” гуруҳи

БАА: “Бизнинг вақтимиз келди”

Таиланд: “Чансуек. биргаликда бир тану бир жон бўлиб”

Ҳиндистон: “Кўк йўлбарслар - миллат умиди”

Баҳрайн: “Ҳеч қачон “ҳеч қачон” дема”