19 декабрь куни Тошкент шаҳридаги қиличбозлик мажмуасида кадетлар ўртасида Ўзбекистон очиқ кубоги бошланди.

Мусобақада Республикамизнинг турли ҳудудларидан, шунингдек Қозоғистон Республикасидан 300 нафарга яқин (ўғил болалар ва қизлар) ёш қиличбозлар совринли ўринлар учун кураш олиб бормоқдалар. Баҳслар 2002 ва ундан кейин таваллуд топган спортчилар ўртасида ўтказилмоқда.

Турнир 24 декабрга қадар давом этади:

19 декабрь: шпага, яккалик
20 декабрь: шпага, жамоавий
21 декабрь: рапира, яккалик
22 декабрь: рапира, жамоавий
23 декабрь: сабля, яккалик
24 декабрь: сабля, жамоавий.

Қайд этиш лозимки, мусобақада маҳаллий ҳакамлардан ташқари Халқаро қиличбозлик федерацияси ҳакамлар комиссияси аъзоси Ирина Книш ҳам фаолият олиб боради.