«Арсенал»нинг собиқ бош мураббийи Арсен Венгер испаниялик мутахассис Унаи Эмерининг Лондон клубидаги дастлабки 6 ойлик ишига баҳо берди.

17 та турдан сўнг, «қуролсозлар» пешқадам «Ливерпуль»дан 11 очко ортда қолган ҳолда, 5-ўринни эгаллаб туришибди.

«Менимча, Эмери ўз ишини жуда яхши бажаряпти. Янги таклиф қилинган футболчилар билан у ҳимояда барқарорликни вужудга келтирди, ишлар ёмонмас. Жамоа жуда яхши қўлларда, буни ҳар доим айтганман. Баъзилар мен кетганимдан сўнг, жуда катта қайта қуришни кутишган эди. Аммо мен бунга ҳожат йўқ деб ўйлаганман. Одамлар мени ҳақ эканимни кўриб туришибди», - деб Венгер сўзларини келтирмоқда beIN Sports.