Халқаро спорт тадқиқотлари маркази (CIES Football Observatory) Европанинг кучли чемпионатларида ўйнаётган футболчилар орасида энг қимматбаҳо ўйинчиларнинг рўйхатини эълон қилди. Футболчиларнинг нархлари ушбу марказ мутахассислари томонидан ҳисоблаб чиқилди.

Ушбу рейтингнинг энг юқори поғонасини "ПСЖ" ҳужумчиси Килиан Мбаппе эгаллади. Франциялик футболчининг нархи 218,5 миллион еврога баҳоланди. Иккинчи ўринни «Тоттенхэм» форварди Харри Кейн банд этди (200,3). Кучли учликни парижликлар етакчиси Неймар эгаллади (197,1).

Шунингдек, кучли бешликдан Раҳим Стерлинг ("Манчестер Сити", 185,8 млн. евро) ва Муҳаммад Салоҳ ("Ливерпуль", 184,3) ўрин олишди.

«Барселона» сардори Лионель Месси 171,2 миллион евро нарх билан 7-ўринни эгаллаган бўлса, «Ювентус» ҳужумчиси Криштиану Роналдуга 19-поғона берилди – 127,2 миллион евро.

CIES Football Observatory рейтинги (топ-10)

1. Килиан Мбаппе («ПСЖ») – 218,5 миллион евро

2. Харри Кейн («Тоттенхэм») – 200,3

3. Неймар («ПСЖ») – 197,1

4. Раҳим Стерлинг («Манчестер Сити») – 185,8

5. Муҳаммад Салоҳ («Ливерпуль») – 184,3

6. Пауло Дибала («Ювентус») – 171,9

7. Лионель Месси («Барселона») – 171,2

8. Ромелу Лукаку («Манчестер Юнайтед») – 162

9. Филиппе Коутиньо («Барселона») – 157

10. Лерой Сане («Манчестер Сити») – 156,1