ОФК Осиё Кубогидаги вазиятлар бўйича бир қатор футболчиларни жазолади.
Ўтган турда Уммон терма жамоасига қарши баҳсда Япония терма жамоаси аъзоси Минамино рақибни ушлаб қолгани учун ҳакам томонидан сариқ карточка билан жазоланган эди. Ушбу ҳаракати учун ОФК футболчини 5000 АҚШ доллари миқдорида жаримага тортди.
Эслатиб ўтамиз, аввалроқ, ОФК терма жамоамиз аъзоси Егор Кримецни 7500 АҚШ доллари миқдорида жаримага тортган эди.
Маълумот учун, 17 январь куни Осиё Кубоги гуруҳ босқичидан ўрин олган сўнгги тур учрашувини Япония терма жамоаси Ўзбекистон термасига қарши Ал-Айн шаҳридаги "Халифа бин Зайд" стадионида ўтказади.
