OFK Osiyo Kubogidagi vaziyatlar bo‘yicha bir qator futbolchilarni jazoladi.
O‘tgan turda Ummon terma jamoasiga qarshi bahsda Yaponiya terma jamoasi a’zosi Minamino raqibni ushlab qolgani uchun hakam tomonidan sariq kartochka bilan jazolangan edi. Ushbu harakati uchun OFK futbolchini 5000 AQSH dollari miqdorida jarimaga tortdi.
Eslatib o‘tamiz, avvalroq, OFK terma jamoamiz a’zosi Yegor Krimesni 7500 AQSH dollari miqdorida jarimaga tortgan edi.
Ma’lumot uchun, 17 yanvar kuni Osiyo Kubogi guruh bosqichidan o‘rin olgan so‘nggi tur uchrashuvini Yaponiya terma jamoasi O‘zbekiston termasiga qarshi Al-Ayn shahridagi "Xalifa bin Zayd" stadionida o‘tkazadi.
